Miércoles, 21-10-09
Carlos Gómez Rodríguez, un investigador da Universidade
de A Coruña, realizou unha tese sobre os problemas comunicacionais
existentes entre os ordenadores e as persoas. Esta investigación,
froito da colaboración entre os grupos COLE da Universidade de Vigo e o
grupo LyS (Linguaxe e Sociedade da Información) da Universidade de A
Coruña, foi dirixida polos profesores Manuel Vilares Ferro e Miguel
Ángel Alonso Pardo, e pretende mostrar as ventaxas da existencia de
aplicacións que permitisen aos computadores procesar a linguaxe humana,
que é unha das metas da lingüística computacional.
Enfocou a realización da investigación, que leva o
título de «Parsing Schemata for practical text analysis», cara ao
análise sintáctico, que é a tarefa consistente en obter a estrutura
dunha oración, isto é, a forma en que todas as súas partes se
relacionan entre si e constitúen un todo coherente e con significado.
Aínda que, como defende Gómez Rodríguez, hai moi poucos programas que
«sexan capaces de comprender calquer texto nun idioma, xa existen
aplicacións prácticas que poden extraer información específica dun
texto e obter ao menos unha comprensión parcial». No canto de que
comecen a desenvolverse programas capaces de procesar un análise
sintáctico dunha oración, os computadores poderían responder ás
preguntas que se lle faga.
O traballo do autor da investigación, que realizou coa
axuda doutros investigadores da Universidade de Vigo e do grupo de
investigación LyS da Universidade da Coruña, dividiuse en tres partes
diferenciadas: na primeira preséntase un compilador que serve para
obter de forma automática analizadores sintácticos a partir dunha
especificación lóxica do seu funcionamento; a segunda parte afronta a
cuestión de como construír analizadores robustos, capaces de procesar
linguaxe humana con erros; e, por último, a última parte da
investigación céntrase nos analizadores sintácticos de dependencias,
que describen a sintaxe dunha frase mediante as relacións entre as súas
palabras, na contra de dividila en partes.
Así, a investigación presenta varios analizadores de
sintaxe novos, moi útiles para procesar linguas onde as palabras non
son tan ríxidas como, por exemplo, as do inglés. Actualmente, o autor
probará estes avances nos sistemas que están desenvolvendo o grupo COLE
e LyS, para estruturar e procesar información en español dos Arquivos
Nacionais e as descricións zoolóxicas e botánicas dos biólogos do CSIC
(Consejo Superior de Investigaciones Científicas).
